Türkmençe

Bu sitäniň asyl maksady Türkmen halkynyň, medeniýetiniň, diliniň we döwletiniň tanadylmasynda şänik ýalyjak hem bolsa goşant goşmakdyr. Onuň üçin bu sitedäki maglumatlar birnäçe dilde bolar, çünki bize bizi tanatmagyň ýerine ilki bilen daşardan seredýänlere bizi tanatmakdyr.
Bu saýtyň türkmençe görnüşinde bolsa daşary ýurtlarda okamak barada maglumatlar ýerleşdiriljekdir. Çünki: Bilegi güýçli birini ýeňer, bilimi güýçli – müňüni!

Litwada okuw

Ýurduň ady: 
Litwa
Ýerleşýän ýeri: 
Ýewropa
Paýtagty: 
Wilnýus
Meýdany: 
65 müň 200 km 2
Ilaty: 
3 milýon 341 müňden gowrak
Dili: 
Litwan dili
Ykdysatyýeti: 
Kişi başyna düşýän ýyllyk girdeji boýunça Litwany sebitde öňde barýan döwletleriň hataryna goşup bolar. Ýöne ekonmikasy ösen ýurtlaryňka görä pesräk.
Näme üçin bu döwletde okuw?: 
  • Bu ýurt bilen öňki SSSR-iň düzüminde 'doganlyk' respublikalardyk. Onuň üçinem belki käbir kişileriň tanyşlary bu ýurtda ýaşaýan bolup biler.
  • Rus dilinde käbir uniwersitetlerde okama mümkinçiligi.
  • Az hem bolsa käbir ugurlary iňlis dilinde okama mümkinçiligi. Mysal üçin Vytautas Magnus uniwersiteti.
Haýsy ugurlarda okamak amatly: 
  1. Tehnologiýanyň käbir ugurlary: Informatika
  2. Medisina
Ýokary okuw derejeleri: 
  • Uniwersitet (Bakalawr) derejesi: 3-4 ýyl
  • Masterlik derejesi: 1-2 ýyl
  • Doktorlyk derejesi: 3-4 ýyl
Okuw jaýlary barada: 
Okuw ýyly sentýabrdan başlap iýunyň soňuna çenli dowam edýär. Okuw jaýlarynda semestrlik okuw ulgamy ulanylýar. Gyş semestri Sentýabryň 1-inden Ýanwaryň soňuna çenli dowam edýär. Ikinji semestr hem Fewralyň başyndan Iýunyň soňuna çenli dowam edýär.
Ýokary okuw jaýlaryna gerek bolan dokumentler: 
Gerek bolan dokumentler beýleki ýurtlaryňky (seret AngliýaŞwesiýa) ýaly. We her uniwersitet tapawutly dokument isläp biler. Mysal üçin Wilnýus uniwersitetine ady agzalan dokumentlerden başga-da şu dokumenti doldurmak hem gerek.
Okuw üçin ýyllyk pul: 
$4000-6000
Ýaşaýyş üçin ýyllyk pul: 
$1000-2000
Saglyk ätiýaçlandyrmasy: 
Litwada ýaşamak üçin saglyk ätiýaçlandyrmasy gerek we onuň her aýlygy ortaça 30 dollar töweregi.
Stipendiýalar: 
Uniwersitetleriň umumy ýaşayş jaýlarynda galmak mümkin. Esasanam 2-3 kişi bolup ulyrak bir otagda galanyňyzda bahalar has elýeterli bolýar. Ýagny kişi başyna 100 dollar töweregi bolýar.
Wiza: 
Beýleki ýurtlaryň wizasyny almak üçin gerek bolan dokumentler gerekli () Goşmaça maglumatlar üçin http://www.migracija.lt/ salgysyna seredip bilersiňiz.
Ilçihana barada maglumat: 
Litwanyň Azerbaýjandaky ilçihanasy Türkmenistana hem jogapkär. Azerbaýjandaky ilçinahanyn salgysy:
Suleyman Dadashev köçesi 35, 523 Blok
Baku AZ1001, Baku, Azerbaijan
Phone: +994 12 5117631
Fax: +994 12 5108688
Email: amb.az@urm.lt

Kanadada okuw

Ýurduň ady: 
Kanada
Ýerleşýän ýeri: 
Demirgazyk Amerika
Paýtagty: 
Ottawa
Meýdany: 
9 milýon 984 müň 670
Ilaty: 
34 milýondan gowrak
Dili: 
Iňlis we Fransuz dilleri
Ykdysatyýeti: 
Ösen ykdysadyýeti bar.
Näme üçin bu döwletde okuw?: 
  • Iňlis dilini öwrenmek üçin amatly döwlet
  • Asuda we demokratiki döwlet
  • Ýokary hilli uniwersitetleri bar
  • Daşary ýurtlylaryň sany köp
Haýsy ugurlarda okamak amatly: 
  • Kompýuter tehnologiýasy
  • Soňky döwür tehnologiýasy: nanotehnologiýa, biotehnologiýa,elektrotehnologiýanyň ugurlary we beýlekiler
  • Aragatnaşyk ugurlary
  • Deňiz we balykçylyk ugurlary
  • Iňlis dili ýa-da Fransuz dilinde okap bilersiňiz
Ýokary okuw derejeleri: 
  • Uniwersitet (Bakalawr) derejesi: 3-4 ýyl
  • Masterlik derejesi: 1-2 ýyl
  • Doktorlyk derejesi: 3-4 ýyl
Okuw jaýlary barada: 
Kanadadaky uniwersitetlerde okuw Sentýabrdan başlap Maý aýyna çenli dowam edýär. Uniwersitetlerde 1000-den 35000-e ýakyn talyp bolup bilýär. Garaz uniwersitetlerdäki talyp sany uniwersitetden uniwersitete görä gaty uly tapawutly bolup bilýär. TOEFL we IELTS ýaly iňlis dilini bilýändigiňizi subut edýän ekzamenleriň netijesi Kanadada hem kabul edilýär. Ýöne fransuz dilinde okamak isleýänler üçin beýle ýöriteleşdirilen ekzamenler ýok.
Ýokary okuw jaýlaryna gerek bolan dokumentler: 
Ýokary okuw jaýyna girmek üçin gerek bolan dokumentler umuman alanyňda Angliýadaky ýokary okuw jaýlaryna girmek üçin gerek bolan dokumentler ýaly. Onunň üçin http://www.bayjan.com/angliyadaOkuw salgysyndaky okap bilersiňiz. Käbir uniwersitetler goşmaça dokument isläp bilerler. Onuň üçin hem aşakdaky Goşmaça maglumatlar bölümindäki salgylardan peýdalanyp bilersiňiz.
Okuw üçin ýyllyk pul: 
$10000-12000
Ýaşaýyş üçin ýyllyk pul: 
$4000-5000
Saglyk ätiýaçlandyrmasy: 
Kanadada okamak üçin saglyk ätiýaçlandyrmasy gerekli.
Stipendiýalar: 
Birnäçe stipendiýalar bar ýöne olaryň köpüsi bize degişli däl. Şonuň üçin hem olar saýhallanyp soňra bu sahypa ýerleşdiriljekdir. Stipendiýalar baradaky maglumatlar üçin bu internet salgysyna nazar aýlaň http://www.bayjan.com/stipendiyalar
Wiza: 
  1. Uniwersitetden kabul edilendigiňiz barada çakylyk haty we bu hatda şu aşakdakylar bellenilip geçilen bolmaly:
    • Okaýan sapagyňyzy anyk belli edilen bolmaly
    • Okuwa gerekli bolan puluň mukdary ýazylan bolmaly we siziň bu puly eýýäm töländigiňiz hemme bellenilip geçilmeli
    • Eger Kanadanyň Kübek (Québec) welaýatynda okamak isleseňiz onda CAQ diýilýän rugsady hem almagyňyz gerek
  2. Bu okuwy okar ýaly derejededigiňiziň subutnamasy. Mysal üçin Iňlis dilini ýeterlik bilýändigiňiz (gerekli bolan dereje ýokarda bellenilip geçilendir)
  3. Ýeterlik derejede puluňyzyň barlygynyň subutnamasy
  4. Saglyk ýagdaýyňyz barada dokument
  5. Elbetde hemişe gerek bolan zatlar bolan pasport, pasport surady ýaly zatlary hem unutmazlyk gerek.
Ilçihana barada maglumat: 
Kanadanyň Ankaradaky (Türkýe) ilçihanasy Türkmenistandan hem jogapkär.
Salgy: Kanadanyň Immigrasiýa bölümi, Cinnah Caddesi 58, 06690, Çankaya, Ankara
Poçta salgysy: Kanadanyň Immigrasiýa bölümi, Cinnah Caddesi 58, 06690, Çankaya, Ankara
Telefon: (312) 409-2800
Fax: (312) 409-2714
Internet salgysy: http://geo.international.gc.ca/canada-europa/turkey/menu-en.aspx
Işleýän wagtlary: Duşenbe: 08:30 - 17:45, Anna: 08:30 - 13:00
Jaňlaşmaga açyk wagtlary: Duşenbe-Penşenbe 9:00 bilen 10:30 arasy (Türkiýe wagty bilen).

Angliýada okuw

Näme üçin Angliýa?

  • Iňlisçe gepleşilýän döwlet, şonuň üçinem Iňlisçe öwrenmek üçin iň amatly döwletlerden biri
  • Iňlisler başga medeniüetlere açyk we olar bilen tiz dostluk gurmak mümkin
  • Ösen demokratik we asuda döwlet
  • Iňlis dilinden başga-da birnäçe ugurlarda okamak mümkin

Haýsy ugurlarda okamak amatly:

  • Iňlis dili
  • Arhitektura (binalaryň gurluşy)
  • Kompýuter we soňky tehnologiýanyň ugurlary
  • Lukmançylyk, biomedisina we biotehnologiýa
  • Halkara gatnaşyklar
  • Ykdysadyýet we maliýe
  • Halkara we şereketler hukugy
  • Agronomçylyk we oba hojalygy ugurlary
  • Syýahatçylyk ugry (turizm)

Rumyniýada okuw

Näme üçin Rumyniýa?

  • Okuw puly we ýaşaýyş şertleri has amatly
  • Alynan ýokary bilim dünýäniň ähli ýerinde kabul edilýär
  • Okuwyň gapdalyndan beýleki Ýewropa döwletleriniň köpüsinde boluşy ýaly işleme mümkinçiligi bar

Haýsy ugurlarda okamak amatly:

  • Kompýuter tehnologiýasy
  • Elektronika
  • Nebit-gaz ugry
  • Matematika we statistika

Irlandiýada okuw

Näme üçin Irlandiýa?

  • Irlandiýanyň okuw ulgamy dünýäniň iň oňat okuw ulgamlaryndan biri (IMD World Competitiveness Report 2007)
  • Iňlisçe gepleşilýän döwlet
  • Irlandlar myhmansöýer we olar bilen tiz dostluk gurmak mümkin
  • Ösen demokratik we asuda döwlet
  • Birnäçe kompýuter tehnologiýasynyň öňde barýan firmalarynyň bu ýurtda bir bölegi ýerleşen

Aziýanyň Ösüş Banky we Ýapon Stipendiýa Programmasynyň stipendiýasy

Stipendiýa barada maglumat
Stipendiýanyň ady Aziýanyň Ösüş Banky we Ýapon Stipendiýa Programmasynyň stipendiýasy
Haýsy döwlet tarapyndan berilýär Ýaponiýa
Haýsy wagta çenli dokumentleri tabşyryp bolýar Uniwersitede göra tapawutly, aşakda agzalan uniwersitetleriň internet sahypalaryndan giňişleýin maglumatlary öwrenip bilersiňiz.
Haýsy ugurlarda okamak üçin berilýär Ykdysadyýet, dolandyryş, ylym we tehnologiýa we döwletiň ösmesi üçin peýdaly bolup biljek beýleki ugurlar
Her ýyl näçe kişä berilýär 300 kişi töweregi

Stipendiýalar

StipendiýalarBu sahypada Türkmenistanyň raýatlary üçin berilýän stipendiýalar barada maglumatlar ýerleşdirilendir. Bu stipendiýalar okuw okamak ýa-da ylmy gözleg geçirmek üçin berilýän pul ýa-da hyzmat kömegidir.

Belgýada okuw

Näme üçin Belgiýa?

  • Her bäş talypdan biri daşary ýurtly
  • Okamak üçin birnäçe halkara derejesinde iňlis dilinde programma bar
  • Alynan ýokary bilim dünýäniň ähli ýerinde kabul edilýär
  • Okuwyň gapdalyndan beýleki Ýewropa döwletleriniň köpüsinde boluşy ýaly işleme mümkinçiligi bar

Polşada okuw

Näme üçin Polşa?
  • Beýleki ýewropa döwletlerine görä ýaşaýyş arzan bolup ortaça 200-400 ýewro bilen bir aý oňşup bolýar.
  • Okamak üçin 400-den gowrak ýokary okuw jaýy bar we olaryň 100-den gowragynda iňlis dilinde okamak mümkin.
  • Alynan ýokary bilim dünýäniň ähli ýerinde kabul edilýär
  • Okuwyň gapdalyndan beýleki Ýewropa döwletleriniň köpüsinde boluşy ýaly işleme mümkinçiligi bar

Daniýada okuw

Näme üçin Daniýa?
  • Döwlediň girdejisiniň 8%-i ylym we bilime harjanylýar. Bu hem Daniýany dünýäde girdejisiniň iň köp bölegini ylym we bilime harjaýan döwlet ornunda goýýar.
  • Okamak üçin 130-dan gowrak halkara derejesinde iňlis dilinde programma bar
  • Halkyň aglabasy (80%-i) iňlis dilinde gepläp bilýär.
  • Alynan ýokary bilim dünýäniň ähli ýerinde kabul edilýär
  • Okuwyň gapdalyndan beýleki Ýewropa döwletleriniň köpüsinde boluşy ýaly işleme mümkinçiligi bar
Syndicate content