www.bayjan.com Hoş geldiňiz!

Ýurduň ady:

Angliýa

Ýerleşýän ýeri:

Günbatar-Demirgazyk Ýewropa

Meýdany:

244 müň 820 km²

Ilaty:

61 milýon 100 müňden gowrak (2009-njy ýylyň hasaplaryna görä)

Paýtagty:

London

Dili:

Iňlis dili

Ykdysatyýeti:

Ösen ykdysadyýeti bar. Kişi başyna düşýän ýyllyk puluň mukdary boýunça dünýäde öňki orunlarda durýar.

Näme üçin Angliýa?

• Iňlisçe gepleşilýän döwlet, şonuň üçinem Iňlisçe öwrenmek üçin iň amatly döwletlerden biri
• Iňlisler başga medeniüetlere açyk we olar bilen tiz dostluk gurmak mümkin
• Ösen demokratik we asuda döwlet
• Iňlis dilinden başga-da birnäçe ugurlarda okamak mümkin

Haýsy ugurlarda okamak amatly:

• Iňlis dili
• Arhitektura (binalaryň gurluşy)
• Kompýuter we soňky tehnologiýanyň ugurlary
• Lukmançylyk, biomedisina we biotehnologiýa
• Halkara gatnaşyklar
• Ykdysadyýet we maliýe
• Halkara we şereketler hukugy
• Agronomçylyk we oba hojalygy ugurlary
• Syýahatçylyk ugry (turizm)

Ýokary okuw derejeleri:

• Uniwersitet (Bakalawr) derejesi: 3-4 ýyl
• Masterlik derejesi: 1-2 ýyl
• Doktorlyk derejesi: 3-4 ýyl

Okuw jaýlary barada:

http://www.educationuk.org

Ýokary okuw jaýlaryna gerek bolan dokumentler:

1. Uniwersitetlere giriş üçin gerekli dokumentler edil beýleki Ýewropa döwletleriniňki ýaly (giňişleýin maglumatlar üçin Şwed uniwersitetlerine gerekli bolan dokumentler serediň.)
2. Iňlis dilini biliş derejäňiz iň azyndan şeýleräk bolmaly:
   • TOEFL: 550 (Kagyzda geçirilýän TOEFL) ýa-da 173 (Kompýuterde geçirilýän TOEFL)
   • IELTS: 6.0 (IELTS iňlisleriň öz ekzamenleri bolansoň bu ekzameniň netijeleri Angliýanyň hemme uniwersitetleri tarapyndan kabul edilýär, ýöne TOEFL-i käbir uniwersitetler kabul etmän bilerler)
3. Dokumentleri tabşyrmak üçin ýurt boýunça ulanylýan kompýuterleşdirilen ulgamy ulanyp bilersiňiz. Bu ulgamy ulanyp iň köp 6 uniwersitete dokument tabşyryp bilersiňiz. Bu bolsa her uniwersitete dokument tabşyrma işinden we pulundan sizi biraz hem bolsa rahatlandyrar. Bu ulgam barada Aşgabatdaky iňlis ilçihanasyndan maglumat alyp bilersiňiz. Bu ulgamyň salgysy: http://www.ucas.ac.uk/
4. Dokumentleriň tabşyrylmaly wagtlary: Geljek ýylky okuw üçin şu ýylyň 15-nji dekabryna çenli tabşyrmaly. Oxford we Cambridge uniwersitetlerine bolsa şu ýylyň 15-nji oktýabryna çenli tabşyrmaly.
5. Angliýada ýokary okuwa çenli 13 ýyl okalýar, şonuň üçin hem biziň orta bilimimizi göni kabul etmän bilerler. Bu barada anyk maglumaty Aşgabatdaky iňlis ilçihanasyndan alyp bilersiňiz.
6. Bakalawr derejesi üçin bu salgydan peýdalanyp bilersiňiz
7. Bakalawr soňrasy okuw üçin bolsa şu saýta ugrap bilersiňiz.

Okuw we ýaşaýyş üçin pul:

Ýewropa birligi we EEA birligine degişli bolmadyk döwletleriň raýarlaryndan (ýagny bizden hem) ýyllyk okuw puly bakalawr derejesi üçin 1-nji hasapda (table) we bakalawr soňrasy okyw üçin 2-nji hasapda (table) görkezilendir.

Stipendiýa(lar):

Birnäçe stipendiýalar bar ýöne olaryň köpüsi bize degişli däl. Şonuň üçin hem olar saýhallanyp soňra bu sahypa ýerleşdiriljekdir.

Ýaşaýyş ýeri barada maglumat:

Saglyk ätiýaçlandyrmasy barada:

Angliýada galmaga rugsat almak isleýän kişileriň saglyk ätiýaçlandyrmasy almasy gerek.

Wiza:

1. Uniwersitetden kabul edilendigiňiz barada çakylyk haty we bu hatda şu aşakdakylar bellenilip geçilen bolmaly:
   • Okuw doly derejedäki okuw we hepdede iň az 15 sagatlyk okuwy içine almaly
   • Okaýan sapagyňyzy anyk belli edilen bolmaly
   • Okuwa gerekli bolan puluň mukdary ýazylan bolmaly we siziň bu puly eýýäm töländigiňiz hemme bellenilip geçilmeli
2. Bu okuwy okar ýaly derejededigiňiziň subutnamasy. Mysal üçin Iňlis dilini ýeterlik bilýändigiňiz (gerekli bolan dereje ýokarda bellenilip geçilendir)
3. Ýeterlik derejede puluňyzyň barlygynyň subutnamasy
4. Saglyk ýagdaýyňyz barada dokument

Ilçihana barada maglumat:

Pul birligi

£ = funt (pound)

Iňlis dilini öwrenmek isleýänler üçin: Iňlis dilini öwrenmek isleýänler girmek isleýän okuw jaýynyň British Council tarapyndan tassyklanandygyny barlasynlar.

UKStudy.com

Angliýadaky dil okuwlary barada umumy maglumaty British Council-yň web sahypasyndan alyp bilerler:

http://www.britishcouncil.org/new/